Ko's profileBlue Bear CafePhotosBlogListsMore  |  Tools Help |
|
November 25 有心人身邊的一大班人,其實可以簡單地分為兩類: 1) 有心人 2) 無心人 無本事一眼分出邊個是有心,邊個是無心 只知道 一個無心人, 十年八年後, 還是一個無心人… 一個有心人, 十年八年後, 還是一個有心人… November 04 日式大排擋?一向覺得日本菜無理由=貴,今次終於有損友帶去食一間30年歷史以上的燒鳥店(串燒) 傍晚六時入座,因為下雨人客少,店內煙霧+雞味儞漫, 裝修殘破, 店員制服簡單, 到處貼的MENU已經 發黃…掛的啤酒女郎海報還是八十年代的,穿的還是一件頭泳衣~!! 再看菜單串燒一律… 80YEN/串~~!!!!! (深圳都不只這個價啦大佬~~~~~!!!) 而且無任何食物超過千YEN的~!! 老實不客氣,叫店員全部通通拿兩串過來, 3支大啤, 還特登叫多個沙律… 店員面上沒有多餘的笑容,沒有多餘的禮貌,但有超高效率,啤酒食物 十分鐘內已經到齊,串燒沒有整齊排好,就是這樣隨便一堆,無多餘的修飾,我鐘意. 串串大大件,卻只賣80YEN,底食,味道就是好食(最憎D人懶醒形容味道,味道點形容? 多餘~!!) 看看碗碟,又夠乾淨,柴娃娃又不失好味,乾淨,此店深得我心… いせや総本店公園店 JR新宿站搭中央線到吉祥寺,30分鐘左右 井之頭公園入口附近 November 03 港燦築地行未過試用期,受老細炸彈人之命到東京見客於是順便在東京渡週末,日本妹依舊誘人,曾經熟識的
新宿車站變得陌生,但日本人還是有善的,問兩問都能確認自己的走的方向對不對… 以前在尖沙咀有分店的"橙家"執左粒,一直想考證新宿東口果間是否同門,當日下午到達, 該店只做晚市,緣慳一面… 改到bubuka食油渣面,一樣正爆~~!! 星期六早上重遊築地市場食壽司,本人是從來很少會甘心排隊等位的,這裏例外,等得甘心…等位其間發現除了我之外, 後面還有兩名港燦(電車熟男打扮),一直不停口講工事,辦公室政治,同行(會計/核數)點滴…… 天呀!! Give me a break~!! Come on~~ 星期六也不能換個話題嗎?? 港男真的這樣乏味!!??? 難怪有見識,有能力的港女都不願要港男… 港女,港男都 捂底爭… 不論如何, 無損我食壽司的雅慶,仲叫多件滷水鮑魚添~~~!! October 06 好心啦…o米再食魚翅啦, 都o吾系吾o知捕殺過程幾血腥架啦
o米再食鵝肝啦, 都o吾系吾o知大部分鵝農(包括歐洲)都系將只鵝綁死,用條
管不斷塞事物入只鵝既食道,令鵝肝臟發大…. o米再食D頻危險海產啦… (見 wwf.org.hk/seafood) 惡劣環境造就新病毒傳播,變種機會, 口蹄/瘋牛/禽流感頻頻爆發 每次都做成成千上萬生靈塗歎… 我都知完全o吾食系有難度, 又費事要人就, 但無論如何… 好心啦, 食少D啦… September 18 DRY!幾個月之前在統一中心番工,每朝一進入大廈, 就感覺到呼吸的空氣 非常之乾燥~! 覺得系因為舊大廈的空調可能有問題, 於是問同事, 同事話捂覺得… 後來轉到IFC2工作, 我發覺IFC2的空氣, 一樣超乾燥, 於是又問同事, D同事又系話捂覺… 我的結論系, 捂關D空氣事, 系自己DRY… December 15 錢錢錢錢 錢錢錢錢約一年前的某一日, 我同我爸爸係香港某場合上遇到我爸爸某個臺灣老朋友, 該位前輩性陳. 陳先生有個業餘
興趣: 研究掌相. 原則上我不能夠相信掌相, 但好記得陳先生講過幾樣野, 幾准: 陳先生話我爸爸屬"金", 很注重物質(中!), 愛名牌(再中!), 愛住大屋(又中!), 摣靚車(再中!) 虛榮(…呢個前輩都算直接…), 朋友有財困, 一定幫忙(中!!) 一定有過婚姻失敗經驗(可能佢一早知!?), 現在既老婆比較XX(我暗笑… 中!!), 仲話我爸爸唔識理財(我當時忍笑唔住笑咗一聲). 跟住前輩看看我左手, 問問我邊年出世, 話我同我爸爸剛剛相反, 我屬"木"
陳先生話我比較感性(我間中感情用事…), 我會欣賞藝術品多過愛名牌(我兩樣都玩唔起…), 仲話我物質對 我來講較次要, 我適合做幕僚, 我要賺大錢會很辛苦(我爸爸插嘴: 邊個賺錢唔辛苦!), 最後話我識理財(應該仲未…) 2005年春天開始練習瑜伽後我找到內心深一曾既平靜, 我變得更加無欲… 最近有某舊同學同我傾閑計時, 言語間好似話我比以前看錢看重咗… 我明白, 因為佢中學時代開始認識我, 比起我大學時代肯定係, 我當時根本毫金錢感覺… 覺得錢係天跌落呢既manna 但相對一般人, 我唔認為我自己愛錢: 第一, 我唔係大慈善家, 但我有tithe. 第二, 好多人恨要靚車, 要靚屋… 我從來唔恨 (靚女友更加係可遇不可求… ^o^ )
第三, 我對名牌無興趣, 我著既都係剪牌衫. 第四, 我另外一個興趣係投資, 純屬興趣, 暫時都無理財目標. 都無多想賺到既錢要點用點用… 我鐘意錢的話… 我要咁多錢呢做乜???? 錢, 我可以用好少, 其實能夠賺夠錢比我生命中最重要既兩位女士, 讓佢地生活無憂, 已經足夠… 能回到十年前跟當時既自己忠告既話, 我大概會鼓勵當時既自己以做瑜伽 instructor 為目標… November 15 係大陸, 賣假嘢已經係有良心!!朋友謂係香港網上購物, 都要小心, 否則好容易買到大陸假貨.
就好似時裝咁, 明明中國大陸已經可以製造世界上任何高難度紡織物到成衣, 偏偏"不法商人"就鐘意"幫"各世界明牌 制做D新Line, 正牌明明冇出過, 大陸"不法商人"偏偏發揮創意, 冇果樣整果樣而不肯自己經營品牌 睇完今日報紙, 覺得呢種"不法商人"雖然犯法, 但起碼無危害人命! 今日報紙兩岸版, 同一日竟然兩條新聞都 係講D"賤商"("奸商"好似唔夠); 用有害物質做食物添加劑: 廣州洗衣粉發酵炸油條 餿水油三年未換重複使用 北京扣逾噸紅心鴨蛋拘責任人 六類紅心鴨蛋含蘇丹紅 真係唔明白點解中國人質素真係低得咁可憐, 搞盡腦汁, 千方百計, 埋沒良心, 傷天害理, 莽顧人命, 就係為咗 要多賺錢, 多一毫得一毫, 多一分得一分, 呢種咁市徻的性格真係得人驚~!! 中國有萬億計的外匯儲備, 世界第一, 都已經超過亞洲最發達國家, 日本 中國周街都係假野, 手錶, 手袋, 日本冇. 中國日日都發現問題食品: 農藥菜, 激素雞, 孔雀石綠魚,過期月餅再做, 頭髮做醬油, 漂白劑年膏, 豬欄"普彌"茶葉, 大便臭豆腐, 毒奶粉, 塑膠啤出呢既白飯魚, 假酒, 死蟹蟹粉小籠, 病豬午餐肉, (下刪9萬字), 天馬行空, 層出不窮, 你想得出既一定有, 你想唔出 既都有!!! 你幾時聽過聽過日本人將"罵姑羅"漂淺色當"拖羅"賣!!!?????? 日本人唔明白點解要講大話, 要欺騙大眾. 中國人唔明白點解要講真話!!!!!!!!
係外國讀完書, 係華爾街做野, 既"海歸派"咪一樣, 一日到黑利字當頭, 錢錢錢錢錢, 係佢地人生既唯一, 呀爸呀媽係大陸病重佢都話知你!! 唯物主義深根諦固, 人人唯利是圖 你同佢講報應, 佢同你講有錢至係真理!!! 話中國經濟幾時幾時超越日本超越美國, 又如何!!???? 中國公民教育, 國民質素仲係落後發達國家超過100年!!!!!!!! March 23 H2O最近有位朋友, 話我聽他有一個有"背景", 有"食力", 又有家底的"相識" (我朋友不斷講這位相識點勁點勁, 有錢有面住得好, 有關係, 香車美人食無憂…下刪500字) 這位相識介紹我朋友, 話他知道有兩間大銀行搞新商品期貨: "水" , 無錯, 你的沒有看錯, 是 H2O… (同我個friend話各地食水有差價云云…是不是要tum我friend落答我不知道...) 唉…… 作為一個朋友, 當然先向他說明: 1) 商品期貨主要是大型製造業控制未來成本工具 如: 咖啡飲品制做商, 紡紗廠, 提煉大豆油廠, 車o太廠, 電線廠 都要分別用咖啡, 棉花, 大豆, 橡膠, 銅 等商品期貨控制成本 2) 亦都是散戶投機的工具, 但我覺得要能預知天氣, 政局變化才有把握賺錢 3) 期貨市場其實已經有好幾百年的歷史, 芝加哥(農產品等) 倫敦LME金屬期貨市場, 等都已經為上述多種在世界上有 幾千年, 甚至更長(我不是考古學家), 同人類文明適適相關 的商品提供交易平臺 好, 究竟"水"作為期貨, 有無可行性呢? 1) 以上商品被氣候, 原油價格影響的關係, 價格波動大, 有 必要用期貨控制成本, 水有這樣大的供應波幅嗎? 2) "水"比任何上述商品更早更早存在, 有上億年歷史, 如果有作為期貨買賣的價值, 為何要到21世紀由"大銀行" 去提出其可行性? (再講, 為何不是期貨交易所去提出??) 3) "水"相對其體積價值實在太少, 實際交收所牽涉的運輸 成本如何計算??? 問題太多, 不能盡錄…… 各位朋友, 請自行判斷… (P.S. 一個有錢的神棍, 都是一個神棍, 一塊豬排. 將肥膏切去, 還是一塊豬排, 更何況肥膏可以再生? *只求反映事實, 絕無映射 李X琳,鄭X宜成分) March 21 Y小姐非常不明白大部份女孩的想法,
好多好多後生女, 對理想男友的要求非常高; 聽過太多, 我有個朋友Y小姐 (24歲), 是perfect example, 她所"夢寐以求"的, 大致上如下: 1) 型仔 2) o吾肥 3) 月入高, 最好至少4, 5皮 4) 家底厚, 最好有生意, 物業等 4) 大學學歷, at least 5) 運動o力 6) o吾花心 7) 至少要5尺10, 6尺o吾區 有這樣的要求不是說不可以… 但我希望這樣想的女孩子清醒少少 撫心自問, 自己有何"相對"條件去"要求"對方點點點? OK, Y小姐覺得自己青春 Y小姐覺得自己美麗動人 Y小姐,覺得自己有大學沙紙 事實是100個女仔中我相信有10-20個有Y小姐一樣 條件, 但Y小姐所想要的理想男友, 我相信100個裏面, 5個都不一定有… 因為同Y小姐差不多年紀的話, 想滿足第3, 第4個條件的真是少之又少… 再講, 果5個年青有為的"名門之後"(相信是), 會對Y小姐有興趣的, 我 相信相信是沒有的, because 他們其中有一個很有"大志"想超越李兆基個公子, 將 徐子淇槍到手, 另外3個plan緊點追其他樣正身材勁的2, 3 線姐仔 剩番一個工作狂, 根本對女性興趣不大, 不是"基", 人地想放下一切到日本做太鼓"鼓童"
或者禪修而已… 結果… 像Y小姐"這樣"的女孩子, 可以點呢? 要嘛將就下,犧牲第2條件 找個60, 甚至乎50年代的花樣年華的魅力男性, "貪"他們比較 接近第3, 第4, 條件… 但非常的出奇地, 這些好條件的"花樣年華", 都已經結婚, 真是"意料之外" 人算不如天算… 當然, 也都有好多像Y小姐的, 不甘平凡, 拒絕接受"平庸"的追求者 決定等, 等到30歲, 40歲, 深信隨年齡增長, 遇上有上列7項特異功能 的"白馬王子"的或然率將幾何級數提高 唉………… 結果是搞到後生一輩結婚率偏低, 生育率偏低 花樣年華果一代男人又抵擋不住bok bok 脆的誘惑… 離婚率又高, 其子女又受到父母離異影響, 無心向學又或者 對結婚夢幻滅… 惡性循環 容許我開玩笑的講一句: "Y小姐, 你為香港GDP增長著想, 將你非常有 based on fact 的"苛求"降低少少…" 都容許我認真概歎一句: "所謂"愛情", 幾時變成是講條件的???" please also refer to "她，為什麼要愛你？" March 10 挑選對賭對像不知道各位以前有無考試出貓的經驗呢? January 21 緣在釋迦牟尼佛和十大弟子的故事中有提到....... 有一天他對著所有弟子在講經說法，忽然他叫起了"阿難"說:"你拿一個桶子，到前方五里路遠的一個小村莊，向一個在井邊洗衣服的老婦人，要一桶水回來.記得態度要客氣和善一點......" 阿難點點頭，拿著空桶子，往世尊指示的方向去要水。 他想說，這麼容易的事，一定輕易就能辦妥世尊所交待的任務。 走啊，走到了那村莊，真有位白髮蒼蒼的老婦在井邊洗衣服。 阿難很有禮貌的向這位老婦恭敬的作揖，說:"老人家阿老人家，可以跟你要一桶水嗎?" 那老婦一抬起頭望向這年輕人，不由怒從心生......很生氣的說："不行!這口井只能給這村子裡的人使用，任何外人，是不被允許的!" 接著就把阿難給趕走了，任由阿難苦苦哀求也不為所動! 阿難無奈!只有帶著空桶回去..... 他將他所遭遇的種種情形，娓娓的向世尊和在場的弟子道來......世尊點點頭，示意阿難坐下，接著祂叫"舍利弗"去。 舍利弗一樣走阿，走到了那村莊一樣見到那個白髮蒼蒼的老婦還在井邊洗衣服.舍利弗一樣很有禮貌的向這位老婦人，說："老人家阿老人家，可以跟你要一桶水嗎?" 那老婦一抬起頭望向這年輕人，不由得心花怒放......彷彿見了一個很投緣的親人很高興的說："行!行!來來，我來幫你打水....." 打好一桶水給舍利弗後，又叫他等一下，老婦人匆忙的回家拿一些齋食叫舍利弗帶著路上吃，他帶了整桶水回去將他所遇到的種種情形，也娓娓的向世尊和在場的弟子道來..... 世尊點點頭一樣示意舍利弗坐下..... 阿難和在場弟子就很納悶，疑惑，問世尊是何種因緣?造成阿難和舍利弗這兩人有這麼大的差別。 世尊開示說道：「遠劫前的一世，這位老婦淪為畜牲道是隻老鼠，牠死在路邊被烈日豔陽暴曬著..... 阿難那時候是個趕貨經商的賈人見到這隻死老鼠，心中起了嫌惡之心，掩鼻而過... 舍利弗那時是個正要赴京趕考的讀書人見到這隻死老鼠，心中起了憐憫之心，順手捧把泥土將牠掩蓋。 經久遠劫以後，現在他們見了面，產生這樣不同的差別待遇，眾人可以想像...... 小小的起心動念，就有如此大的善惡果報，何況是直接加諸痛苦在人身上呢!!」 January 05 她，為什麼要愛你？如果一個人能常逗你笑，讓你快樂，為什麼不把他留在身邊呢？ ──蔡康永 約莫有連續五年的時間，我都會在朋友舉辦的耶誕餐會上遇到蔡康永。 五年的時間其實並不算長，但在一切都講求速度和效率的現代，周遭的人事物卻往往已經有了很大的變化；尤其是如果再談到感情八卦，某些戀人在五年間和舊愛新歡的聚散離合，更可能已經歷經了多次的轉換。 身在複雜的演藝圈而且越來越走紅的蔡康永，五年來卻都是和GEORGE一起出席耶誕餐會，就使人在羨慕之餘也有小小的詫異。 因為在電台主持過七年的廣播節目，所以經常會聽到年輕人對我抱怨，他們的感情之路如何崎嶇；每當有人不甘或不平而問我：「我那麼喜歡對方，為什麼她卻不喜歡我？」的問題時，我就會想起蔡康永如何形容身邊的GEORGE。 一如蔡康永自己說的：「能遇到在『知性』上不斷給我新鮮感的人，我心存感激，希望下輩子還要與他在一起」、「如果一個人能常逗你笑，讓你快樂，為什麼不把他留在身邊呢？」在多變的情路上要走得順暢，或許真的很難有一條必勝準則供我們參考、遵循，但是蔡康永的話至少提醒了我們，喜歡或愛上一個人只能算是起因和後續追求的動力，如果自己沒有真能吸引對方的特質，再多再深的付出，都可能淪為一廂情願的打擊。 因此，不要老是把自己有多愛對方當做籌碼，兩人之間能不能迸生愛的火花，最癥結的關鍵 不是你有多愛她（愛她的人說不定多得很，而且也都像你一樣真誠負責體貼） 而是：她，為什麼要愛你？ January 04 關於Bowling !幾個月前看了一套金城武同黑木瞳的黃金保齡球開始覺得呢家o野幾過隱!
加上係呢邊夜晚無什麼健康活動…於是乎就係某一個夜晚同一個兄弟去打
Bowling, 同時介紹一位日本女士過他, 他們最後都沒有什麼發展…女人都係難觸摸…
 講番正題…之後我就大概一個星期打一到兩次…
最初連100分都沒有!!
 慢慢把握到D 補中, 110, 120…
 發覺Bowling 有個好處, 可以鍛煉集中力! 我係一個集中力奇差的一個人……
有待磨練…
BTW, 尋日最低份係108, 最高係140 (2個全中, 4個補中)  December 29 關於YOGA...其實係一年前透過一個日本女導師(以前係空姐)開始接觸Yoga 一開始其實興趣不大, 只不過想看看個studio (Y+, 上海華山路), 因為網上看到, 好似好靚o甘… anywayz, 決定試兩堂… 果然只得我一個少男, 初哥少男, 有D肴底! 個CBC導師, 開始時教我地透氣, relax… 慢慢教做平衡poses, sun salutation, 同其他基本o野. 發覺自己只係做到一半(俾到盡) 落堂時覺得好非常放鬆, 舒服… 之後就繼續練了… 去過其他studio, 跟過其他導師, 買書, DVD, 得閒都會係屋企練…慢慢都有進步, 做到D當初做不到的pose.
後來發覺yoga原來係身心雙修的'內功'！！ 以我的觀察， 對Yoga非常投入的人有兩種， 第一種係身體有問題，要調理，要抖一抖，太疲累的都市人 另一種係心入面有創傷．．．有一Ｄ不能忘記的悲傷的人 目的係想學放鬆，放低，因為自己做不到．．．
而我自己係．．．．．．
|
|
|
